चैत्यभूमीवरती जाऊ चला चला रे

त्या चैत्यभूमीवरती जाऊ चला चला रे
उठा बौद्ध जण भगिनी भाऊ चला चला रे

निर्वाण दिन भीमाचा आहे सहा डिसेंबर
भीमरूप जाहलेला आहे तिथेच सागर
अश्रूफुले त्या जागी वाहू चला चला रे
त्या चैत्यभूमीवरती जाऊ चला चला रे

 

विझली चिता परंतु ती ज्योती ना निमाली
होऊनि ज्ञान ज्योती हृदयात कोटी आली
नयनात ती प्रतिमा पाहू चला चला रे
त्या चैत्यभूमीवरती जाऊ चला चला रे

सर्वास सोबती घ्या कोणी ना राहो मागे
जयभीम गर्जनेने करूया जनास जागे
श्रद्धा ही अंतरीची दावू चला चला रे
त्या चैत्यभूमीवरती जाऊ चला चला रे

देऊन स्फूर्ती अविरत घडविले श्रेष्ठ जीवन
प्रशांत वातावरणी घेऊन भीमदर्शन
कीर्ती तयांची आठवत राहू चला चला रे
त्या चैत्यभूमीवरती जाऊ चला चला रे