बाबांच्या लाडक्या मुलांनो

बाबांच्या लाडक्या मुलांनो, घर हे सोडू नका
भीमाची आज्ञा मोडू नका

काडी काडी जोडून जोडून घरटे हे बनविले
पित्यापरी सांभाळिले अन हक्क मिळवुनी दिले 
घट ज्ञानाचे स्वाधीन केले, घट हे मोडू नका
भीमाची आज्ञा मोडू नका

परिश्रमाची शर्थ करुनी संघटना घडविली
समतेच्या सागरी विषमता कायमची बुडविली
ममतेचे अन बंधुत्त्वाचे, नाते तोडू नका
भीमाची आज्ञा मोडू नका

नागपूरच्या दीक्षाभूवर केली होती प्रतिज्ञा
कार्यरथाला पुढे न्यायचे स्मरणी असू द्या आज्ञा
शिखर यशाचे चढणारांना, मागे ओढू नका
भीमाची आज्ञा मोडू नका

बाबांच्या लाडक्या मुलांनो, घर हे सोडू नका
भीमाची आज्ञा मोडू नका