त्रिसरण पंचशीलाचे सूर जुळाले
भीमरायामुळे आम्हा बुद्ध मिळाले
दिव्य ज्ञानाचा दावूनी प्रकाश
दीन दुबळ्यांचा केला विकास
अज्ञानाचे अश्रू ते दूर पळाले
जीर्ण रुढींच्या जीर्ण चालीरीती
नष्ट केल्या देवून मूठमाती
अंधश्रद्धेचे सारे रान जळाले
साऱ्या ग्रंथांचा करुनी व्यासंग
बुद्ध धम्मात होताचि दंग
मानवाला जीवनाचे महत्त्व कळाले
निर्जीवात या टाकिला जीव
बौद्ध अमृताने केले सजीव
प्रथमा हे जीवन सुमार्गी वळाले
त्रिसरण पंचशीलाचे सूर जुळाले
भीमरायामुळे आम्हा बुद्ध मिळाले
No comments:
Post a Comment