सोनियाची उगवली सकाळ

सोनियाची उगवली सकाळ
जन्मास आले भीमबाळ

भिमाई माता प्रसूत होता
हर्षित झाले ते रामजी पिता
धन्य झाली कुळी सकपाळ
जन्मास आले भीमबाळ

तारीख चौदा एप्रिल माहे
महूगावात हे वारे वाहे
ठेंगणे भासे आभाळ
जन्मास आले भीमबाळ

रूप तेजस्वी चंद्रापरी ते
तळपत होते अवनीवरी ते
केला सुखाने प्रतिपाळ
जन्मास आले भीमबाळ

मोठा झाला शिकला सवरला
........  ...   पुढे तो ठरला
जीर्ण रुढीचा कर्दनकाळ
जन्मास आले भीमबाळ

सोनियाची उगवली सकाळ
जन्मास आले भीमबाळ

गायक: आनंद शिंदे