तुझ्या प्रेरणेने, तुझ्या प्रेरणेने
जनजागृतीचा प्रारंभ झाला
तू दिशाहीनांचा दीपस्तंभ झाला
बोलतात सारे नव्या जाणिवेने
तुझ्या प्रेरणेने, तुझ्या प्रेरणेने
भटकंती गेली, गेली एकदाची
दावलीस भीमा बोधीगया साची
पाहिले प्रभावी अजिंठ्याचे लेणे
तुझ्या प्रेरणेने, तुझ्या प्रेरणेने
घटनेत दिधली बुद्धाची प्रणाली
तुझ्या थोरवीची प्रचितीच आली
मन शुद्ध व्हावे बुद्ध वंदनेने
तुझ्या प्रेरणेने, तुझ्या प्रेरणेने
तुझ्या प्रेरणेने बोलताच पाली
कवीची प्रतिभा अलंकृत झाली
काव्यचंद्र वाढे कलेने कलेने
तुझ्या प्रेरणेने, तुझ्या प्रेरणेने
Lyrics : A.K.Sonone
No comments:
Post a Comment