वैर जिंकावं प्रेमानं युद्धानं वाढते युद्ध
शाक्य कोलिया संघर्षी ते वदले गौतम बुद्ध
नदी रोहिणी पाण्यासाठी वाद तो शाक्यांचा
संघ घेई मग बहुमतांनी निर्णय युद्धाचा
हिंसाकारक त्यांच्या मतांना गौतम करी विरोध
शाक्य कोलिया संघर्षी ते वदले गौतम बुद्ध
संघाचा तो नियम मोडता भोगी स्वतः शिक्षा
वचनासाठी घेती शांतीने परिव्रज्या दीक्षा
सर्व सुखाचा त्याग करुनी सत्य केले सिद्ध
शाक्य कोलिया संघर्षी ते वदले गौतम बुद्ध
मानव दुःख हराया केली घोर तपस्यां वनी
ज्ञानसूर्य हा देई जगाला धम्म खरा जीवनी
सत्य अहिंसा आणि शांतीचा करुनिया बोध
शाक्य कोलिया संघर्षी ते वदले गौतम बुद्ध
वैर जिंकावं प्रेमानं युद्धानं वाढते युद्ध
शाक्य कोलिया संघर्षी ते वदले गौतम बुद्ध
No comments:
Post a Comment